Ons provinsiale boogskutters ontvang ook hulle provinsiale kleure

Tydens NASP Noord-Gauteng se kleure byeenkoms op 4 September 2019 het ń groot ding gebeur: Vir die eerste keer het van ons boogskuts provinsiale kleure in boogskiet ontvang!

Dit was ń lang paadjie wat in 2016 begin het en uitgeloop het op die eerste kompetisies waaraan ons deelgeneem het in 2017. 2018 het ons begin sien dat ons vorder terwyl 2019 ons deurbraak was! Sewe van ons skuts is opgeneem in die verskillende NASP Noord-Gauteng provinsiale spanne:

  • A-span: Dyllan Roux (graad 8) en Sonnika van der Dussen (graad 9).
  • B-span: Pieter van der Dussen (graad 11).
  • Laerskoolspan: Janko Heunes (graad 5), Jani Schaap, Tanyce Naudé en Charnie Theron (almal in graad 7).

Ons ouers en onderwysers het ook nie terug gestaan nie, drie van hulle is in die AAG-span (volwassenes) opgeneem: Ellie Schaap, Willie Vrey en Charles Nieuwoudt. Baie geluk aan elke skut!