Skooldrag

Ons pre-primêre fase dra elke dag gewone speelklere wat geskik is vir lekker speel, klim en klouter. Die laerskool en hoërskool en laerskool het voorgeskrewe drag wat verskil van mekaar en ook seisoenaal aangepas word. In die hoërskool word daar ook meer keuses toegelaat. Kontak asseblief ons kantoor vir meer besonderhede.

Vrydae word ‘n vergunning gemaak en dan mag almal Rateldrag aantrek. Dit bestaan uit die skool se informele gholfhemp wat gedra word met ‘n blou denim (laerskool en hoërskool) of ‘n stone-kleur chino kniebroek of langbroek (hoërskool).

Amper alle laerskoolskoolklere kan aangekoop word by Maakpas, hulle is ook in Witpensstekelstertstraat, net aan die ander kant van die muur. Draai in Witpensstekelstertstraat vanuit Gouwsstraat, Maakpas is die laaste huis aan die linkerkant.

Telefoon: 072 592 7990
Epos: maakpas@absamail.co.za

Die laerskool doen een keer per week kinetika en daarvoor is ń aparte broek en hemp beskikbaar – dit dien ook sommer as die skool se sportdrag. Dit kan bestel word by Wierdapark UitrustersHoërskool Raslouw se klere is volledig by Wierdapark Uitrusters beskikbaar, maar die stone chino en denimbroeke wat gedra mag word, kan by enige winkel gekoop word – solank dit stone chino of gewone blou denim is, geen ander kleure nie.

Telefoon: 012 654 9600
Webblad: wierdaparkoutfitters.co.za

Daar is ook heelwat tweedehandse klere in die klerebank beskikbaar, veral wat laerskoolklere betref. Aangesien hoërskoolkinders uitgegroei raak is hulle geneig om eerder klere op te dra as om daaruit te groei. Kontak die skoolkantoor om ‘n afspraak te maak om klere uit te soek.

Indien u enige probleme ervaar of algemene opmerkings het oor die kleredrag, kontak asseblief mev Adri Peenz (laerskool) of mnr Pieter van der Dussen (hoërskool).